سەرۆکی یەکێتی ھاوردەو ھەناردەکارانی کوردستان رایگەیاند, لە ئێستادا وڵاتی تورکیا یەکەمین وڵاتی جیھانە کە بەرھەمەکانی بۆ عیراق بە گشتی و ھەرێمی کوردستان بە تایبەتی دەنێرێت.

شێخ عەبدولرەحمان مستەفا سەرۆکی یەکێتی ھاوردەو ھەناردەکارانی کوردستان گوتی: بەپێی ئەو پلەبەندییەی ھەمانە لە ئێستادا ئێمە وەک ھەرێمی کوردستان لە سێ وڵاتەوە بەرھەممان بۆ ھاوردە دەکرێت یەکەم وڵات تورکیایە کە ساڵانە خۆی لە نزیکەی ٨ ملیار دۆلار دەدات تەنھا بۆ کوردستان، ھەروەھا لە پلەی دووەمدا وڵاتی ئێراندێت کە ئەویش ساڵانە نزیکەی ٦ ملیار دۆلار دەبێت ، سێیەم وڵات چین دێت کە بەرھەمی لێوە ھاوردە دەکرێت و ئەوش ساڵانە نزیکەی ٤ ملیار دۆلاری دیکەیە، دوای ئەوانیش وڵاتەکانی دیکەی عەرەبی و ئەوروپی و ئەمریکاییش ھەن کە کەلوپەلو کاڵایان لێوە ھاوردە دەکرێت.