بەپێی بڕیارێکی حکومەتی ناوەندی عێراق دەبێت مۆڵەتی شۆفێری لەسەرتاسەری پاریزگاکانی عێراقدا یەک بخرێت بەجۆرێک بەزمانی کوردی وەکو زمانێکی فەرمی هاوشێوەی عەرەبی لەسەر مۆڵەتەکە بنووسرێت. ئەو بڕیارەش لەچەند ناوچەیەکی ناوەڕاست و باشوور جێبەجێ کراوە و چاوەڕێش دەکرێت لە سەرەتای ساڵی نوێوەوە لەهەرێمی کوردستان بخرێتە بواری جێبەجێ کردنەوە و وێرای گۆڕینی شێوەو دیزاینی مۆڵەتەکە ئیتر بەهەردوو زمانی کوردی و عەرەبی لەسەر مۆڵەتەکە بنوسرێت.


وتەبێژی بەڕێوەبەرایەتی هاتووچۆی پارێزگای سلێمانی، مەریوان محەممەد، بەئاژانسی پەیامنێری ڕاگەیاند:\"ئەو بڕیارە لەهەندێک ناوچەی ناوەڕاست و باشوور جێبەجێ‌کراوە، بەڵام لەهەرێمی کوردستان دواکەوتووە و تاکو ئێستا نەخراوەتە بواری جێبەجێ کردنەوە\"".


مەریوان محەممەد، گوتی:\""ئێمە وەکو بەڕێوەبەرایەتی هاتووچۆی پارێزگای سلێمانی پێشنیارمان بۆ بەڕێوەبەرایەتی گشتی هاتووچۆی هەرێم کردووە تاکو ئەو بڕیارە جێبەجێ‌بکرێت، بەڵام تاکو ئێستا لەو بارەیەوە بڕیار نەدراوە\"".


ڕاشیگەیاند:\""هەرچەندە تاکو ئیستا کاتێک بۆ جێبەجێ کردنی ئەو بڕیارە دانەنراوە، بەڵام پێدەچێت لەسەرەتای ساڵی نوێوە ئەو بڕیارە لەهەرێمی کوردستانی جێبەجێ بکرێت\""."