23ی تشرینی دووه‌م/ ئۆکتۆبەر(گولان میدیا)- بەمەبەستی پێشگیری و كۆنترۆڵكردنی نەخۆشی ئیفلیجی منداڵان و بەردەوامیدان بە پاكی هەرێمی كوردستان لەونەخۆشیە وەزارەتی تەندروستی حكومەتی هەرێم لێژنەیەكی باڵای پێشگیری و كۆنترۆڵكردنی نەخۆشی ئیفلیجی منداڵان لەهەرێمی كوردستان پێكهێنا، لەم چوارچێوەیەش ئەمرۆ لەدیوانی وەزارەت بەسەرپەرشتی د.رێكەوت حەمەرەشید وەزیری تەندروستی و بەئامادەبوانی بەرێوەبەرانی پاراستنی تەندروستی لەهەرێمی كوردستان گفتوگۆ لەبارەی چۆنیەتی پێشگیری و بەردەوامیدان بەپاكی هەرێمی كوردستان لەونەخۆشی ئیفلیجی منداڵان كرا.

لەوكۆبونەویە بریاردرا بەدانانی تیمی جێگری كوتان لەخاڵی سنوری فیشخابوور بەمەبەستی كوتانی ئەو ئاوارانەی كە دێنە ناو هەرێم و سەردانی كردنی سنورەكان و شوێنە دورە دەستەكان و زیاتر كردنی سەردانی تیمەكانی پەتاگەری بۆنەخۆشخانەكانی منداڵان وسەنتەرەكانی شیاندنەوە و بەشەكانی دەماری لەنەخۆشخانەكان، ئەمە جگەلە دەركردنی بریاری ئەنجامدانی خوڵی راهێنان و بیرهێنانەوە بۆپزیشكان لەبنكە تەندروستیەكان و نەخۆشخانەكان دەربارەی نەخۆشی ئیفلیجی منداڵان و AFP.

شایەنی باسە بەهۆی هەڵمەتەكانی كوتان وهۆشیاری و رۆشنبیری دایكان و باوكان نەخۆشی ئیفلیجی منداڵان لەهەرێمی كوردستان كۆنترۆڵكراوە و لەساڵی 2000 وە تاوەكو ئیستا هیچ حالەتێك تۆمارنەكراوە.