جێگری سەرۆكی پەرلەمانپێشوازی لەشاندێكی شاری هانكۆی فنلەندی كرد
لەدیدارێكدا كە خاتوو شلێر محی الدین و پەیمان عبدالكریم ئەندامی پەرلەمانی كوردستان ئامادەیبوون.
شاندەكە خۆشحاڵی خۆیان بەسەردانی هەرێم و پەرلەمانی كوردستان نیشان دا و پێشكەوتن و گەشەپێدانی شارەكانیان لەهەموو رووێكەوە بەخاڵێكی وەرچەرخان لەقەڵەمدا بە تایبەت كە هەرێمی كوردستان لەسەردەمی دیكتاتۆریەت دا رووبەرووی هەموو جۆرە وێرانكاری و نەهامەتیەك هاتەوەو لەماوەیەكی پێوانەییدا زۆر كاری جیدی ئەنجام دراون كە مایەی سەرسورمانە،
لەلایەن خۆشیەوە دكتۆر حسن محمد سوورە بەگەرمی بەخێرهاتنی شاندەكەی كرد و پوختەیەكی مێژووی لەبارەی بزاڤی رزگاریخوازی كورد و قۆناغەكانی رەوتی گەشەپێدان و دیموكراسی و هەوڵەكانی چاكسازی و پەرەپێدانی زیاتری بوارەكان خستە روو پێكهاتەكانی خولی سێیەمی پەرلەمانی لەرووی سیاسی و ئاینی و نەتەوەیی و رێژەی بەشداربوانی ئافرەتان باسكرد و پاشان لەبارەی هەڵبژاردنی خولی چوارەمی پەرلەمانی كوردستان و پێكهاتەی نوێی دوا و هیوای خواست لەئایندەیەكی نزیكدا بەسەركەوتوویی دەست بە كارەكانی خۆی بكات.
