ڕوونکردنەوەیەک لە دەزگای ڕۆشنبیری و ڕاگەیاندنی پارتی دیموکراتی کوردستان-ەوە بۆ ڕای گشتیی ھەرێمی کوردستان
بەڵام ئەوەی جێی نیگەرانییە لە دوو ڕۆژەی دواییدا ھەندێ کەس و لایەن و دەزگای میدیاییلەبری ئەوەی چاوەڕێی ڕاگەیاندنی ئەنجامەکان لەلایەن کۆمسیۆنی باڵای ھەڵبژاردنەکانەوە بن و ئەوکاتە بە ڕێگەی یاسایی و دروست ھەر سکاڵا و تێبینییەکیان ھەبێت بیخەنەڕوو، کەچیکەوتوونەتە بەخشینەوەی تۆمەتی ناڕاست و بێ بنەما و ھەوڵی لەکەدارکردنی ئیرادەی خەڵکی کوردستان و زیانگەیاندن بە پێگە و ناوبانگی پڕۆسەی دیموکراسی لە ھەرێمی کوردستان.
ئەوە لە کاتێکدایە کە لە گشت قۆناغەکانی پڕۆسەکە نوێنەر و چاودێری ھەموو حزبەکان لەکاتی دەنگدان و ھەژمارکردنی دەنگەکان ئامادە بوونە و دەیان چاودێری ناوخۆیی و بیانییش چاودێریی پڕۆسەکەیان کردووە و ڕێوشوێنەکانی کۆمیسیۆنی ھەڵبژاردنیش گونجاو بوونە.
ئێمە لە پارتی دیموکراتی کوردستان وێڕای بوونی ھەندێ تێبینی و سەرنجی خۆمان لەسەر پڕۆسەکە، بەڵام پێمان وایە پێویستە ھەموو لایەکمان بە پشوودرێژی و ھەست بە بەرپرسیارێتیکردنەوە پابەندی یاسا و ڕێنماییەکانی کۆمیسیۆنی باڵای ھەڵبژاردنەکان بین و لە دوای ڕاگەیاندنی ئەنجامەکان ھەر لایەنێک مافی خۆیەتی سکالا و تانەی ھەبێت لەسەر ئەنجامەکان و بەپێی یاسا پێشکەشی بکات.
لەو باوەڕەشداین ئەو ھەرا ئیعلامیەی ئەو کەس و لایەنانە دەستیان پێ کردووە، دەرخەری ئەو ڕاستییەیە کە ئەوان لەوە ڕاھاتوون کە دژایەتیی ھەموو شتێک بکەن و ئامانجیشیان ناشرینکردنی پڕۆسەکە و زیانگەیاندن بە ناوبانگی ھەرێم و بەلاڕێدابردنی ڕای گشتی و تێکدانی ئاسوودەیی کۆمەڵایەتی و شڵەژاندنی باری دەروونی ھاووڵاتیانی کوردستانە. پێویستە ھەموومان ملکەجی ئیرادەی گەلەکەمان بین و لەبری دروستکردنی تەشەنوجات و تۆمەتبەخشینەوەی بێبنەما و شەڕی دەروونی لەگەڵ کۆمەڵگەی کوردستانی، پێویستە بە ڕۆحێکی بەرپرسیارانە مامەڵە لەگەڵ دۆخەکە بکەین و ھەموومان بیر لە داھاتوو و بەختەوەریی ھاووڵاتیان و گەشەسەندنی وڵاتەکەمان بکەینەوە.
دەزگای ڕۆشنبیری و ڕاگەیاندنی
پارتی دیموکراتی کوردستان
٢٥ـی ٩ـی ٢٠١٣
