17ی ئەیلول/ سپتەمبەر(گولان میدیا)- لەپێناو راگرتنی ئاسایش و گیانی هاووڵاتیان و دروستنەكردنی ئاستەنگی هاتووچۆ، داواكاربووین كە پابەند بن بە رێنماییەكانی هاتووچۆوە،بەڵام ئەوەی جێگەی نیگەرانی ئێمەیە لەچەند رۆژی رابردوودا چەند لایەنێك بەشداری هەڵبژاردن بۆ رێكخستنی ئاهەنگێكی بانگەشەی هەڵبژاردن لەشاری سلێمانی، خەڵكانێكیان لەقەزاو ناحیەكان لەیەك كاتی دیاری كراودا هێناوە بۆ شاری سلێمانی،بەتایبەتیش لەبازگەی عەربەت كەبۆماوەكی زۆر ئاستەنگ و گرفتیان بۆ هاووڵاتیان دروستكردو پشێوی و ئاڵۆزییەكی زۆریان نایەوەو نیگەرانی خەڵكی بەدوای خۆیدا هێناوئاستەنگی زۆریان بۆ هێزەكانی پۆلیس و هاتووچۆ دروستكرد.
وەك تێبینی دەكرێت قەرەباڵغی رێگاوبانەكان بۆ بانگەشەی هەڵبژاردن بەئاراستەی ناوەندی شاری سلێمانیداو ئەوەش قەرەباڵغیەكی زۆر و ،ئاستەنگ و گرفتی بۆ هاووڵاتیان و رێبوارانی شەقامەكانی دەرەوەو ناوەوەی شار دروستكردووە.
جگە لەوەش ئەم قەرەباڵغی و پشێوی یە كەلەشەقامە سەرەكییەكاندا دروستی دەكەن،بێگومان ئەگەری مەترسی رووداوی نەخوازراوی لێ دەكرێت،كە هیوادارین ئەوە روو نەدات و بەلای ئێمەوە پاراستنی گیانی هاووڵاتیانی پارێزگای سلێمانی لە كۆی پرۆسەی بانگەشەی هەڵبژاردن گەورەترە،بۆیە داواكارین ئەو لایەنانە لەسنورو ناوچەكانی خۆیان بانگەشە بكەن و ئەو كێشەیە نەبۆ هاووڵاتیان و نەبۆ هێزەكانی پۆلیس و هاتووچۆ و نەبۆ لایەنگرانی خۆشیان دروست بكەن،چونكە هێزەكانی پۆلیس و هاتووچۆ لەپێناو پاراستنی ئارامی و ئاسایش و ژیانی ئەوان رۆژیان خستوەتە سەر شەو،بێگومان بەماندووبوون و شەو نخونی لەخزمەت ئەواندان هیوادارین ئەو لایەنانەش بەوگیانەوە مامەڵەیان لەگەڵدا بكەن.

بەهیوای سەركەوتنی پرۆسەی هەڵبژاردن و ژیانێكی ئارام و پڕ ئۆقرەی بۆ هاووڵاتیانی پارێزگای سلێمانی.
لیژنەی ئەمنی پارێزگای سلێمانی