8ی ئەیلول/ سپتەمبەر(گولان میدیا)- لە مەراسیمێکی تایبەتدا سەر لەبەیانی ئەمرۆ تەرمی 80 هاوڵاتی کوردی ئەنفالکراو لە گوندی تۆپزاوای سەر بە پارێزگای کەرکوک بە خاکسپێردران.
بە پێی زانیارییەکانی ئاژانسی هەواڵی پەیامنێر پێدەچێت ئەو هاوڵاتیە کوردانە لە راپەڕینی ساڵی 1991 بە کۆمەڵ لەلایەن رژێمی لەناوچووی بەعسەوە شەهیدکرابن و تەرمەکانیان ماوەی چەند ساڵێکە لە دوای هەڵدانەوەی گۆڕێکی بە کۆمەڵ لە هەمان گوند دەرهێنراون و لە نەخۆشخانەی ئازادی کەرکوک دانراون و ئەمرۆ لە مەراسیمێکی تایبەتدا و بە ئامادەبوونی ئارام ئەحمەد وەزیری شەهیدان و ئەنفالکراوان و کاوە مەحمود وەزیر رۆشنبیری هەرێمی کوردستان و ژمارەیەک لە پەرپرسانی پارێزگای کەرکوک لە گوندی تۆپزاوە بە خاک سپێردران.