لە چەمچەماڵ رووداوەکانی ھاتوچۆ و زیانەکانی نزیکەی دوو ھێندەی ساڵی رابردوو بووە
لەمبارەیەوە رائید \"ئاسۆ حەمەخەسرەو\"" لە پۆلیسی ھاتوچۆی چەمچەماڵ بە ئاژانسی ھەواڵی پەیامنێری راگەیاند: رووداوەکانی ھەشت مانگی ئەمساڵ بریتین لە ١٢٤پێکدادان، ٥٨وەرگەڕان لەگەڵ پێنج حاڵەتی شێلان کە بەھۆی ئەم رووداوانەوە ١٤ھاوڵاتی گیانیان لەدەستداوە و ھەروەھا ١٤٢کەسی دیکەش برینداربوون.
رائید ئاسۆ ئاماژەشی دا، ھەر لە ئاکامی ئەو رووداوانەدا زیانێکی مادیی زۆر بە ئۆتۆمبیلەکان گەیشتووە.
ئاسۆ حەمەخەسرەو روونیشی کردەوە: ھەر بەپێی ئامارەکان به بەراورد بە ساڵی رابردوو ئەمساڵ رووداوەکان زۆر زیاتر بووە، چونکە ساڵی رابردوو تاوەکو ئەم کاتە، ١٢٨رووداو تۆمارکراوە کە بەھۆیانەوە ھەشت کەس گیانیان لەدەستداوە و ٥٠کەسی دیکەش برینداربوونه."
