بە مەبەستی چاودێریكردنی بێلایەنانەی هاووڵاتیان لە كاتی هەڵبژاردنەكانی پەرلەمانی كوردستان، ڕێكخراوەكانی كۆمەڵگەی مەدەنی لە هەرێمی كوردستان، هاوپەیمانەتییەكیان ڕاگەیاند كە نوێنەرایەتیی 56 ڕێكخراو دەكات.

لە كۆنفرانسی ڕۆژنامەوانیی تۆڕی نەوەكانی ئاشتی(PNG)، ڕێكخراوی گەشەپێدانی مەدەنییەت(CDO)، دەستگای سمارت بۆ گەشپیچدانی مێدیا و یاسا(Smart)، بە نوێنەرایەتیی 56 ڕێكخراوی كۆمەڵگەی مەدەنی، پێكهێنانی هاوپەیمانەتییەكیان ڕاگەیاند كە وەك خۆیان دەڵێن، بۆ چاودێریكردنی پرۆسەی هەڵبژاردن و ڕۆژی دەنگدانە كە وەها بڕیارە لە 21ـی ئەم مانگە ساز بدرێت و ئامانج لێی پاڵپشتیكردنی هەڵبژاردنێكی ئازاد و بێلایەنە لە هەرێمی كوردستاندا.

لە كۆنفرانسەكەدا ئەوە ئاشكرا كرا كە، بە مەبەستی چاودێریكردنێكی كارامەی هەڵبژاردن، هاوپەیمكانەتییەكە 500 هاووڵاتی دامەزراندووە و ڕاهێنانی بۆ كردوون و بڵاوەی پێیان كردووە تا وەك چاودیچر ڕۆڵی خۆیان ببینن.

لە كۆنفرانسەكەدا هاوكات ڕوون كرایەوە كە خۆبەخشەكانی ئەم هاوپەیمانەتییە، چاودێریی هەڵمەتی هەڵبژاردن، شێوازی بەرپرسانی پرۆسەكە، ڕۆژی دەنگدانی تایبەت، ڕۆژی هەڵبژاردنی گشتی و ماوەی پاش هەڵبژاردن دەكەن و لە هەر سێ پارێزگاكەی هەریچمی كوردستان كارەكانیان ئەنجام دەدەن.