گوتەبێژی فەرمی مەکتەبی سیاسی پارتی دیموکراتی کوردستان، رایدەگەیەنێت کە ئەوان لەگەڵ ئەنجامدانی هه‌ڵبژاردنی په‌رله‌مانن لە وادەی خۆی و دواخستنیشی بەکارێکی نەشیا و و پێشێلکاری یاسا دەزانن.

جەعفەر ئیمینكی وتیشی: ماوەیەکە لە هەندێک ناوەندی میدیایی باس لە دواخستنی هەڵبژاردنی پەرلەمانی کوردستان دەکرێت، کە بە پێی یاسا بڕیارە لە 21 ئه‌یلولی ئه‌مساڵ ئەنجام بدرێت، ئێمه‌ لە پارتی دیموکراتی کوردستان جەخت لەوە دەکەینەوە، هەڵبژادنی پەرلەمانی کوردستان لە وادەی دیاریکراوی خۆی بەرێوەبچێت.

ئیمینكی ئاماژه‌یدا: لە بیری نەکەین هەر پلانێک بۆ دواخستنی ئەم هەڵبژاردنە، بە پێشێلکاری یاسا لە قەڵەم دەدەین و کاری لەمجۆرە پەسند ناکەین و رێکاری یاسایش دژی هەر هەنگاوێکی لەمجۆرە دەگرینە بەر.