بزووتنەوەی ئیسلامی كوردستان نیگەرانی خۆی نیشاندەدات بەرامبەر پرس پێنەكردن و بەشداریپێنەكردنی لە خۆپێشاندانی ئیسلامییەكان، كە بۆ پشتگیری ئیخوانەكانی میسرو لایەنگرانی محەممەد مورسی، سەرۆكی لەكارلادراوی میسر ئێوارەی ئەمڕۆ هەولێر بەڕێوە دەچێت.

مەكتەبی سیاسی بزووتنەوەی ئیسلامی لەبەیاننامەیەكدا كە كۆپییەكی بۆ (رووداو) نێردراوە، لەبارەی خۆپێشاندنەكەی ئەمڕۆی كۆمەڵ و یەكگرتوو كە لە شاری هەولێر ئەنجامی دەدەن، دەڵێت: \"مەكتەبی سیاسی بزووتنەوە نیگەرانی خۆی نیشاندا لەو هەڵوێستەی برایانی یەكگرتووی ئیسلامی و كۆمەڵی ئیسلامی لەسەر ئەو خۆپیشاندانەی كە بڕیار وایە لەشاری هەولێر ئەنجام بدرێت بۆ هاوسۆزی و پشتیوانی لە شەرعیەت و لایەنگرانی سەرۆكی لەسەر كار لادراوی میسر و بەحزبیكردنی ئەو خۆ پێشاندانانە، لەكاتێكدا ئەمە پێشنیازی ئێمە بووە\"".

بەیاننامەكەی مەكتەبی سیاسی بزووتنەوەئاماژە بەوەش دەكات \""دەبوایە پرس و راوێژ بكرابایە بە هەموو دەزگاو لایەن و تەوژم و كەسایەتییە ئیسلامییەكان و مامۆستایانی ئاینی و یەكێتی زانایان بۆ ئەوەی ئەم هەوڵە هی هەمووان بوایە و نەكرێتە بانگەشەی هەڵبژاردن و مەرامی حیزبی لێ دوور بخرێتەوە\"" .
جەختیش دەكاتەوە \""بەڵام لەگەڵ ئەوەشدا هەر سو‌ورین لەسەر پاراستنی برایەتی ئیسلامی و دۆستایەتی لەگەڵ لایەنە ئیسلامییەكانی كوردستان و پێكەوە ژیان لەگەڵ سەرجەم لایەن سیاسییەكانی دیكەی كوردستان\"".



بەپێی بەیاننامەكە، مەكتەبی سیاسی بزووتنەوەی ئیسلامی هەڵوەستەی كردووە لەسەر هەوڵەكانی ئەنجامدانی كۆنگرەی نەتەوەیی كورد \""وێڕای هەبوونی تێبینی و ڕِاو سەرنج لەسەر ئەداو میكانیزمی پێكهێنانی لیژنەی ئامادەكاری و شێوازی ئامادەسازی بۆ كۆنگرەی نەتەوەیی\"".

بزووتنەوە \""بەتوندی\"" ئیدانەی رووداوەكانی ئەم دواییەی میسر دەكات و ئەوەی لەو وڵاتەدا دەگوزەرێت بە \""كۆمەڵكوژی و سەكوتكردنی ئازادی و پێشێلكردنی مافی مرۆڤ\"" وەسف دەكات. هەروەها داوا لە هەرسێ سەرۆكایەتی هەرێمی كوردستان و پەرلەمان و حكومەت دەكات \""ئیدانە\""ی سوپا‌و هێزەكانی ناوخۆی میسر بكەن.












رووداو"