لە بانگەوازێکدا کە دوێنێ بڵاوکراوەتەوە کۆمیسیۆنی راگەیاندنی کۆنگرەی نەتەوەیی کورد داوا لەسەرجەم راگەیاندنکاران و شارەزایانی میدیای کوردی کردووە بە مەبەستی ‌گواستنەوە و شرۆڤەکردنی سەرجەم ئەو پەیام و رووداوە سیاسییانەی پەیوەندییان بە گەلی کوردەوە هەیە لەسەرجەم پارچەکانی کوردستان، پێشنیازەکانیان لەماوەی نێوان 7/8 تا12/8، پێشکەش بە کۆمیسیۆنەکە بکەن.

دەقی بانگەوازەکە:

بانگەوازێک لەکۆمسیۆنی راگەیاندنی کۆنگرەی نەتەوەیی کورد بۆ سەرجەم شارەزایانی بواری میدیاو رۆشنبیران و راگەیاندنکاران و رۆژنامەنووسانی کورد لەسەرجەم پارچەکانی کوردستان.

بەمەبەستی داڕشتنی راپۆرتێکی گشتگیر لەسەر دانانی ستراتیژیەتی نەتەوەیی بۆکاری راگەیاندن لەکوردستان، داوا لە‌بەڕێزتان دەکەین لەبارەی ئەرک و رۆل و پەیام و ئامانجی راگەیاندنی کوردی پێشنیازەکانتان لەماوەی نێوان 7/8 تا12/8، پێشکەش بە کۆمیسیۆن بکەن.


پێشنیازەکان لەسەر ئەم ناونیشانەی خوارەوە پێشکەشی کۆمسیۆنی راگەیاندنی کۆنگرەی نەتەوەیی کورد دەکرێت.

ragandn@gmail.com
009647501128493

www.facebook.com/KNCpress