27ی‌ ته‌مموز/ یۆلیۆ (گوڵان میدیا)- لەگەڵ گۆڕینی سیاسەتی رابردووی توركیا لە بەرامبەر كورد و پرسی كورد و ناسنامەی كوردیدا، حكوومەتی توركیایش دەستی بە چەندین هەنگاوی دیكە كردووە و شان بە شانی بەردەوامی قۆناغی چارەسەری پرسی كورد لە توركیا و پرۆسەی دیموكراتیزەكردنی توركیا، هەنگاوی كرداری دیكەیش لە توركیا دەنرێن.

ماڵپەڕی پرێس تورك بڵاویكردەوە كە وەزارەتی دەرەوەی توركیا لە هەنگاوێكی نوێدا دەستی بە دامەزراندنی 10 دیپلوماتی كورد كردووە و ئارمانجی وەزارەتی توركیا لە دامەزراندنی ئەم دیپلوماتە كوردانە ئەوەیە كە ئەم دیپلوماتانە وەكو نوێنەری توركیا لە ناوچە كوردییەكاندا ئەركدار بكات.

سەرچاوەكە ئاماژەی بەوە كردووە كە بڕیارە لە داهاتوودا ژمارەی ئەم دیپلوماتە كوردانە كە شارەزای زمانی كوردین زۆرتر بكرێت.