بولەنت ئارنج: توركیا دەسەڵاتی كوردی لە سوریا قەبووڵ ناكات
ماڵپەڕی تی ئار تی خەبەر بڵاویكردەوە كە دوای كۆتایی هاتنی كۆبوونەوەی ئەنجومەنی وەزیرانی توركیا، وتەبێژی حكوومەت بولەنت ئارنج لە كۆنگرەیەكی رۆژنامەوانیدا باسی ناوەڕۆكی كۆبوونەوەكەی كردووە و رایگەیاندووە كە لە كۆبوونەوەكەدا باسی داواكاری ئۆجەلان بۆ سازدانی كۆنگرەیەكی رۆژنامەوانی لە ئیمراڵی كراوە، بەڵام ئەم داواكارییە لە لایەن حكوومەتەوە رەتكراوەتەوە.
بولەنت ئارنج لە بەشێكی دیكەی وتەكانیدا باسی رووداوەكانی سوریاشی كردووە گوتوویەتی: لە كۆبوونەوەكەدا بە بەرفراوانی باسی رووداوكانی سوریا بە تایبەتی جموجۆڵی هێزە كوردییەكان لە باكووری ئەو وڵاتە كراوە و راگەیندراوە كە حكوومەت بە هیچ شێوەیەك دەسەڵاتێكی كوردی لە سوریا قەبووڵ ناكات.
