21ی‌ ته‌مموز/ یۆلیۆ (گوڵان میدیا)- هێزی یەپەگەی سەر بە پەیەدە لە رۆژئاوای كوردستان توانیان دوای چەندین رۆژ شەڕكردن لەدژی هێزی جەبهەت نوسرە، توانیان دەست بەسەر ئەو ناوچانەدابگرن كە بە ناوچەی كێڵگە نەوتییەكانی سوریا ناسراون.


بەپێی راپۆرتێكی ئاژانسی دەنگوباسی رۆیتەرز، هێزەكانی یەپەگە توانیویانە كۆنتڕۆڵی شاری سەرێ كانێ بگرنە دەست کە چەندین كێڵگەی نەوتی تێدایە و لە شارۆچكەی رمێلان نزیكە كە بە كەركوكی سوریا ناسراوە و زۆرترین نەوتی سوریا لە رمێلانەیە كە ئێستا لەژێر كۆنتڕۆڵی ئەو هێزە كوردییەدایە.

بەپێی قسەی چالاكەوانە مەیدانییەكانی ناوچە كوردییەكان، ئەو بۆڕییە نەوتانەی ئەو ناوچەیە ماوەیەكە وەستاون، بەڵام هەندێكیان هێشتا كار دەكەن و نەوت رەوانەی شارەكانی حومز و بانیاز دەكەن.

بەپێی راپۆرتێكی حكومەتی ئەمریكا لەوەتەی شەڕی ناوخۆی سوریا لەساڵی٢٠١١ـەوە دەستی پێكردووە ، بەرهەمی رۆژانەی نەوتی ئەم وڵاتە بەرێژەی لەسەدا60 كەمی كردووە.

هەروەها هێزە كوردییەكان توانیویانە كۆنتڕۆڵی شارۆچكەی سویەدیا كە ئەو شارۆچكەیەش بەوە ناسراوە لە نەوتدا دەوڵەمەندە.