27 حوزه‌یران / یۆنیۆ (گوڵان میدیا)- سەرچاوەیەک لە کۆبونەوەی شاندی حکومەتی عێراقی به‌سه‌رۆكایه‌تی حوسێن شه‌هرستانی له‌گه‌ڵ ئه‌نجومه‌نی دووزخورماتوو، ئاشکرایکرد, کورد و عەرەب ئەو کۆبونەوەیان به‌جێهێشت، بەهۆی ئەوەی شەهرستانی ئامادە نەبووه‌ گوێ لە داواکارییەکانی کورد و عەرەب بگرێت.

سەرچاوەکە وتیشی: ئه‌ندامانی كورد و عه‌ره‌بی ئه‌نجومه‌نی شارۆچكه‌كه‌ كۆبوونه‌وه‌كه‌یان به‌جێ هێشتووه‌ كه‌ به‌سه‌رپه‌رشتی شه‌هرستانی به‌ڕێوه‌‌چووه‌ و له‌ كۆبوونه‌وه‌كه‌ هاتوونه‌ته‌ ده‌ره‌وه‌ به‌ڵام به‌بێ ئه‌و ئه‌ندامانه‌ به‌رده‌وام بووه‌.

له‌ كۆنگره‌یه‌كی رۆژناوانیدا، حوسێن شه‌هرستانی رایگه‌یاند، دوو لیژنه‌ پێكده‌هێنرێن، یه‌كه‌میات تایبه‌ت ده‌بێت به‌ دووباره‌ دروستكردنه‌وه‌ی مزگه‌وت و دامه‌زراوه‌ حكومییه‌كان، دووه‌میشیان قه‌ره‌بووی زیانلێكه‌وتووان ده‌كاته‌وه‌.