بڕیارە ئەمڕۆ هەردوو مەکتەبی سیاسی یەکێتی نیشتیمانی کوردستان و پارتی دیموکراتی کوردستان لە سەڵاحەدین کۆببنەوە و باس لە چەند تەوەر و پرسێکی گرنگی ئەمڕۆی هەرێمی کوردستان و ناوچە کوردستانیەکانی دەرەوەی ئیدارەی هەرێمی کوردستان بکەن.

گوتەبێژی ئەنجومەنی سەرکردایەتیی پارێزگای سلێمانیی پارتی دیموکراتی کوردستان\"عەبدولوەهاب عەلی\""لەلێدوانێکی تایبەت بۆئاژانسی پەیامنێردا گوتی:\""بڕیارە لەکۆبونەوەکەدا باس لەهەڵبژاردنەکانی نەینەوا و پڕۆژە دەستووری هەرێمی کوردستان و ئەوسازانە نیشتیمانیە بکرێت کەئێستا هەوڵی بۆ دەدرێت لەسەر پڕۆژەی دەستوور بکرێت\"".

عەبدولوەهاب عەلی، گوتی: \""بڕیارە وایە هەر لەکۆبونەوەکەدا باس لەهەڵبژاردنەکانی داهاتووی هەرێمی کوردستان بکرێت و ئێمە جەخت لەوە دەکەینەوە کەدەبێت ئەو هەڵبژاردنانە لەکاتی خۆیدا ئەنجام بدرێن و دوانەخرێن\"".

ئەم گوتەبێژەی پارتی دیموکراتی کوردستان هەروەها گوتی:\""پارتی هیوادارە ئەو پڕۆسەی هەڵبژاردن بەشێوەیەکی ڕێک و پێک و شارستانی و دوور لەهەموو توندوتیژیەک بەڕێوە بچێت\""."