بەمەبەستی دڵنەواییکردنی خەڵکی سلێمانی و ئاساییکردنەوەی بارودۆخی کوردستان کە بەھۆی تێکشکاندنی راپەڕینەکەی بەردەرکی سەرا و دەستگیرکردنی (شێخ مەحمودی حەفید) لەلایەن ئینگلیزو حکومەتی عێراقەوە دڵیان لە حکومەتی عێراق رەنجابوو؛ رۆژی ١١ی حوزەیرانی ساڵی ١٩٣١ مەلیک فەیسەڵی یەکەم ھاوڕێ لەگەڵ ژمارەیەک لێپرسراوی بریتانی دا سەردانی شاری سلێمانی کردو چاویکەوت بە ژمارەیەک سەرۆک عەشیرەت و پیاوە ناودارەکانی سلێمانی.
دوایئه‌وه‌ى عێراق له‌ ساڵى 1921 بووه‌ ده‌وڵه‌ت‌و مه‌لیك فه‌یسه‌ڵى یه‌كه‌م (1883-1933) بووه‌ یه‌كه‌م مه‌لیكى عێراق و له‌لایه‌ن ده‌وڵه‌تى بریتانیاوه‌ وه‌ك فه‌رمانڕه‌واى عێراق ‌ده‌ستنیشانكرا.
مه‌لیك فه‌یسه‌ڵ كوڕى شه‌ریفى مه‌ككه‌ بوو، ئینگلیزه‌كان سه‌ره‌تا كردیانه‌ پاشاى سوریا، به‌‌ڵام له‌ژێر پاڵه‌په‌ستۆى فه‌ره‌نسییه‌كان دا نه‌یتوانى درێژه ‌به‌حوكم بدات و دواتر ئینگلیزه‌كان كردیانه ‌پاشا له ‌عێراق، دواى ماوه‌یه‌ك له ‌حوكمكردن، مه‌لیك فه‌یسه‌ل له و‌ڵاتى (سویسرا) كۆچیدوایى كردو ته‌رمه‌كه‌ى هێنرایه‌وه ‌شارى به‌غداو كۆتایى به‌ژیانى یه‌كه‌م مه‌لیكى عێراق هات.

-كوردسات