8 حوزه‌یران / یۆنیۆ (گوڵان میدیا)- له‌ كاتى ده‌ستكاری چه‌كه‌كه‌یدا، پێشمه‌رگه‌یه‌ك به‌هه‌ڵه‌ فیشه‌كی له‌ ده‌ست ده‌رده‌چێ و به‌ر خۆى ده‌كه‌وێت و ده‌موده‌ست گیانی له‌ده‌ست ده‌دات.
سه‌رچاوه‌یه‌ك له‌ به‌ڕێوه‌به‌رایه‌تى پۆلیسى كه‌ركوك ئه‌مڕۆ شه‌ممه‌ هه‌واڵه‌كه‌ى پشتڕاست كرده‌وه‌ و به‌ (باس نیوز)ى ڕاگه‌یاند پێشمه‌رگه‌كه‌ ناوى ئیبراهیم حسێن قادره‌ و له‌ كاتى ده‌وامى ئاساییدا ده‌ستكارى چه‌كه‌كه‌ى كردووه‌ و به‌ هه‌ڵه‌ فیشه‌كێك له‌ ده‌ستى ده‌رچووه‌ و به‌ر خۆى كه‌وتووه‌ و به‌و هۆیه‌شه‌وه‌ ده‌ستبه‌جێ گیانى له‌ده‌ست داوه‌.
سه‌رچاوه‌كه‌ گوتیشى دواى ڕووداوه‌كه‌ ته‌رمه‌كه‌ى ڕه‌وانه‌ى پزیشكى دادوه‌رى كه‌ركوك كراوه‌.