ریزدار مهسرور بارزانى كومبونهك دگهل كادرێن پێشكهفتى یێن پارتى ل سنورىَ دهڤهرا بادینان سازكر
پشتى گههشتنا جهنابىَ وى ل دهمىَ ئیڤارى ل هولا كونگرهیان ل دهوكىَ سمینارهك بو ههر پێنچ لقێن سنورىَ دهڤهرا بادینان سازكر .
دڤىَ سمینارىَ دا چهندین تهوهرێن سهرهكى هاتنه بهحسكرن ژوان رهوشا ههرێما كوردستانىَ ب گشتى و كێشا پروژىَ رهشنڤیسىَ دهستورىَ ههرێمىَ و رهوشا دهڤهرا روژههلاتا ناڤهراست و وهلاتێن دهردور باسكرن .
سهبارهت پروسێسا ئاشتیىَ ل باكورىَ كوردستانىَ مهسرور بارزانى پالپشتیا پارتى دیموكراتى كوردستان نیشادا و هیڤى خواست ئهڤ ههوله ب ئهنجامێن باش ب داوى بگههن
ههروهسا ل دور رهوشا بهلاڤبونا هزرا توندرهویا مهزههبى ل دهڤهرا روژههلاتا ناڤهراست خویاكر كو كورد هیچ وهختهكى ئالیگرێن ڤىَ رهوشىَ نهبوینه .بهلكو بهردهوام گهلىَ كورد و ههمى كوردستانى نمونهیا پێكڤه ژیانا نهتهوى و لى بورینه لهوماژى ئهڤروژى ئهڤ جوره ههوله نه سهرگرتینه و نه سهردگرن .
سهبارهت تهوهرىَ پروژىَ دهستورىَ ههرێما كوردستانىَ و پێداگرتنا پارتى دیموكراتى كوردستان لسهر راپرسیىَ مهسرور بارزانى تهئكید ل وىَ چهندىَ كر كو پێداگرتنا پارتى لسهر راپرسیىَ پێداگرتنه ل پرهنسیپێن یاسایىَ و بهرهڤانیكرنه ژ مافێن خهلكىَ كوردستانىَ
دهربارهى كێشهیێن ههلاویستى یێن نیڤبهرا ههرێمىَ و بهغدادا مهسرور بارزانى رژدیا ههرێما كوردستانىَ لسهر چارهسهرى و ئێك لاكرنا ههمى وان كێشهو قهیرانێن ههین ب رێكا دیالوكىَ و لسهر بنهمایێن دهستورىَ ههردهمى یىَ ئیراقىَ,و خویاكر ههر لادانهك ژ برگه و بهندێن دهستورى دىَ چارهنڤیسىَ ئیراقىَ و گهلێن وىَ بهرهڤ ئاقارهكىَ دیتر ڤه بهت .
ههر دلایهكىَ دى یىَ ڤىَ سمینارىَ دا رێزدارىَ بال كێشا سهر گرنگى و ههڤبهندیا ههمى ئالى و پارتێن سیاسى یێن كوردستانىَ و ئهڤ چهنده ب گهرهنتیا پێشڤهچون و پاراستنا گهلىَ مه زنى .
ل داویىَ دهرفهت بو بهژداربویێن سمینارىَ هاته خوشكرن و چهندێن پرس و راو بوچوون ئاراستهى رێزدارى كرن ئهویژى ژلایىَ خوڤه ب راشكاوانه و ب سینگهگىَ بهرفره بهرسڤا پرسێن وان دا و هیڤیا سهركهفتن وپێشڤهچوونىَ بو بهژداربویا خواست.
