26ی‌ ئایار/ مایۆ (گوڵان میدیا)- ده‌زگای خێرخوازی بارزانی له‌رِێگای پرۆژه‌ی چاودێری ئازیزان، كه‌ تایبه‌ته‌ به‌ هاوكاریكردنی منداڵانی ئازیز له‌ هه‌رێمی كوردستان، له‌پرۆژه‌ی دووه‌میدا به‌هاوكاری ده‌وڵه‌مه‌ندو خێرخوازانی ناوخۆی كوردستان هه‌ڵده‌ستێ به‌ دابه‌شكردنی هاوكاری چوار مانگ به‌سه‌ر 4 هه‌زار ئازیزدا.

پرۆژه‌ی چاودێری ئازیزانی ده‌زگای خێرخوازی بارزانی بۆ جاری دووه‌م به‌هاوكاری ده‌وڵه‌مه‌ندان و خێرخوازانی ناوخۆی هه‌رێمی كوردستان هه‌ڵده‌ستێ به‌ دابه‌شكردنی مووچه‌ی چوار مانگی سه‌ره‌تای ئه‌مساڵ به‌سه‌ر 4 هه‌زار منداڵی بێباوكدا، كه‌ یارمه‌تیه‌كه‌ش بۆ هه‌ر منداڵێك مانگانه‌ 50% له‌خۆده‌گرێت كۆی ده‌كاته‌ 200$ و پرۆسه‌ی دابه‌شكردنه‌كه‌ش ماوه‌ی هه‌فته‌یه‌ك ده‌خایه‌نێت، كه‌ سه‌رجه‌م شارو شارۆچكه‌كانی هه‌رێمی كوردستان ده‌گرێته‌وه‌و سه‌رجه‌م ئه‌و ناوانه‌ی له ده‌زگای .خێرخوازی بارزانی‌ تۆماركراون سوودمه‌ند ده‌بن