22ی‌ ئایار/ مایۆ (گوڵان میدیا)- حکومەتی هەرێمی کوردستان و یونامی و کۆنسوڵگەریی گشتیی بەریتانی هەڵدەستن بە سازکردنی کۆنفرانسێکی تایبەت بە میدیا و سیاسەت بە ناونیشانی \"میدیا، سیاسەت و دیموکراسی لە کوردستان: بەرەو تێگەیشتنێکی باشتر\"". کۆنفرانسەکە لە ٢٧ -٢٨ ئەم مانگە لە هەولێر ئەنجام دەدرێت و کۆمەڵێک رۆژنامەنووس و میدیاکار و کەسایەتیی پسپۆڕ لە بواری میدیای ناوخۆ و نێودەوڵەتی بەشداری تێدا دەکەن.

ئامانج لەم كۆنفرانسه‌ بریتیه‌ لە ده‌ستنیشانكردنی باشترین په‌یڕه‌و و میکانیزم لە پێناوی دابینکردنی چوارچێوه‌یه‌كی یاسایی و ئیداری بۆ ئازادیی رادەربڕین له‌ کوردستان؛ ده‌ستنیشانكردنی ماف و ئه‌ركی میدیای ئازاد و ئازادیی راده‌ربڕین؛ ده‌ستنیشانكردنی بنه‌ما ئێتیکیەکانی میدیای ئازاد و ئازادیی رادەربڕین هاوتا لەگەڵ ده‌ستنیشانكردنی ده‌وری سیاسه‌ت و رۆژنامه‌وانی له‌ په‌ره‌پێدانی دیموكراسیدا.

هه‌موو ده‌زگاكانى ڕاگه‌ياندنى هه‌رێمى كوردستان بۆ به‌شداريكردن له‌م كۆنفرانسه‌دا بانگهێشت كراون.
"