19ی‌ ئایار/ مایۆ (گوڵان میدیا)- د. رێكه‌وت حمه‌ره‌شید وه‌زیرى ته‌ندروستى رایگه‌یاند: داوامان له‌هه‌موو لایه‌كه‌ رێگرى له‌هاورده‌كردنى ده‌رمان و پێداویستى پزیشكى بگرن كه‌ به‌ شێوه‌ی نایاسایى ده‌هێندرێته‌ بازارِه‌كانى هه‌رێمی كوردستان.

وه‌زیری ته‌ندروستی له‌ چوار چیوه‌ی كۆبوونه‌وه‌یه‌ك له‌گه‌ڵ به‌رێوه‌به‌ر و نوێنه‌رى كۆمپانیاكانى ده‌رمان تیشكى خسته‌ سه‌ر هه‌وڵه‌كانى باشتركردنى كه‌رتى ده‌رمان و پێداویستى پزیشكى به‌شێوه‌ك هانى كۆمپانیا خۆماڵیه‌كانیدا كار بكه‌ن بۆ هێنانى باشترین جۆرى ده‌رمان بۆ هه‌رێمى كوردستان.

له‌به‌شێكى ترى قسه‌كانیدا وه‌زیرى ته‌ندروستى پاڵپشتى و هاوكارى ته‌واوى وه‌زاره‌تى بۆ كۆمپانیاكان دووپاتكرده‌وه‌ بۆ ئه‌وه‌ى به‌شێوه‌یه‌كى یاسایى و ته‌ندروست ده‌رمان و پێداویست پزیشكى هاورده‌ى بازارِه‌كان بكه‌ن، ئاماژه‌ى به‌وه‌دا، ته‌نیا كۆمپانیا بۆى هه‌یه‌ ده‌رمان هاورده‌ بكات چونكه‌ له‌ئێستادا 85 كۆمپانیا هه‌یه‌ كارى هاورده‌كردنى دره‌مان و پێداویستى پزیشكى ده‌كه‌ن، وه‌زیری بریاریدا لێژنه‌یه‌كى بالاَ پێك بهێندرێت له‌رێگه‌ى ئه‌و لێژنه‌یه‌ كار بكرێت له‌سه‌ر ئه‌و ده‌رمانانه‌ى كه‌ له‌لایه‌ن كۆمپانیاكان هاورده‌ ده‌كرێت و له‌لایه‌ن كوالێتى كۆنترۆڵى جۆرى به‌غدا پشكنینى بۆ ده‌كرێت له‌گه‌ڵ پێداچونه‌وه‌ به‌ تۆمارى كۆمپانیاكان و چۆنیه‌تى پێدانى مۆڵه‌تى هاورده‌كردنى ده‌رمان و پێداویست پزیشكى.