مهسرور بارزانى: كاتى خۆ ئامادهكردنه بۆ سهركهوتن و دهستكهوتی زیاتر
له دانیشتنێكدا كه بهرێز (ساسان عهونى) بهرپرسى دهستهى جهماوهرییهكانى پارتى دیموكراتى كوردستان ئامادهیبوو، شاندى ناوبراو كورتهیهكیان له كار و چالاكییهكانى یهكێتیهكهیان پێشكهشكرد.
رێزدار مهسرور بارزانى دواى بهخێرهێنانیان رایگهیاند: یهكێتى قوتابیانى كوردستان ئهو رێكخراوه تێكۆشهرهیه كه تێیدا بهشداربووین و ژیانى سیاسی زۆربهمان لێرهوه دهستیپێكردووه، بۆیه ئێستاش به رێكخراوى خۆمانى دهزانین و پاڵپشتى تهواوى دهكهین.
ههروهها راشیگهیاند: پێویسته یهكێتى قوتابیانى كوردستان به پێی بهرنامه و پلانى نوىَ زیاتر خزمهتى توێژى قوتابیان بكات و هاندهربێت بۆ پێشخستنى ئاستى زانستى له كوردستان و لهم رووهشهوه هاوكارى تهواوى خۆى بۆیان دووپاتكردهوه.
لهبهشێكى دیكهى دیدارهكهدا رێزدار مهسرور بارزانى بارودخ و گۆرِانكارییهكانى ئێستاى ناوچهكهى به ههلێكى دیكه بۆ گهلى كوردستان وهسفكرد و گوتى: بارودۆخێكى لهبار بۆ گهلى كوردستان بهگشتى هاتۆته پێشهوه و ئاسۆمان روونه، پێویسته ههمووان به گیانى نیشتمانپهروهرانهوه یهكرِیزیمان بپارێزین و چونكه ئێستا كاتى خۆ ئامادهكردنه بۆ سهركهوتن و دهستكهوتی زیاتر.
