پاش داخستی بۆ ماوەیەكی كاتیی، هۆڵی نەشتەرگەریی لە نەخۆشخانەی شەهید خالید گەرمیانی لە شاری كفری كرایەوە.
د.حەسەن رەمەزان بەڕێوەبەری گشتی تەندروستی گەرمیان راگەیاند: لە دوێنێوە جارێكی دیكە هۆڵی نەشتەرگەریی لە نەخۆشخانەی شەهید خالید گەرمیانی بەرووی نەخۆشەكاندا كرایەوە بەمەبەستی ئەنجامدانی نەشتەرگەریی، ئەویش دوای ئەوەی ماوەیەك ئەو هۆڵە داخرا بوو بەهۆی نەبوونی پزیشكی بێهۆشكار.
گوتیشی:سەرباری كەمیی پزیشكی ئەو بوارە، بەڵام توانیویانە پزیشكی تایبەت بە بێهۆشكاری دابین بكەن، بەدوای ئەوەشدا جارێكی دیكە دەست بە نەشتەرگەریی كردن لەو نەخۆشخانەیە كراوەتەوەو لە دەستپێكیشدا دوو نەشتەرگەریی ئەنجام درا.