دواى ئه‌وه‌ى له‌7-4 سه‌رجه‌م لێكۆڵه‌ره‌وه‌كانى دادى شارى هه‌ولێر (محقق عدلى )و ده‌وروبه‌رى و دواتر له‌ شارى سلێمانى مانگرتنیان له‌ كاركردن راگه‌یاندن، 4 دواى به‌لێنى په‌رله‌مانى كوردستان به‌ په‌سندكردنى یاساى ماف و ئیمتیازه‌كانیان ، ئه‌و مانگرتنه‌یان شكاند و رۆژى 21/4 ده‌گه‌رێنه‌وه‌ سه‌ر كاره‌كانیان.

پێشه‌وا حوسامه‌دین گوته‌بێژى لێكۆله‌رانى دادى كوردستان راگه‌یاند: دواى ماگرتنى لێكۆله‌رانى دادیى بۆ ماوه‌ى دوو هه‌فته‌ ، له‌و ماوه‌یه‌ چه‌ندین كۆبونه‌وه‌مان له‌گه‌ڵ لایوه‌ندار ئه‌نجامدا به‌و ئامانجه‌ى بگه‌ینه‌ ئه‌نجامێك ، دواجار له‌لایه‌ن په‌رله‌مانى كوردستانه‌وه‌ به‌لێنی ئاماده‌كردنى پرۆژه‌ یاسایه‌كیان پێیدان، تاكو به‌ هه‌مان شێوه‌ى به‌غدا مووچه‌ و ده‌رماڵه‌كانمان زیاد بكرێت، بۆیه‌ كۆتاییمان به‌و مان گرتنه‌ هێنا و گه‌رِاینه‌وه‌ سه‌ر كاره‌كانمان.