بەرپرسی هۆبەری راگەیاندنی بەریوەبەرایەتی ئاسایشی كەركووك، بەمەش ملازم فەرهاد حەمەعەلی، لە لیدوانێكی تایبەتی بە ئاژانسی پەیامنیری گوت: دوای چاودێرییەكی ورد و بە پێی چەند زانیارییەك هێزەكانمان توانیان لە هەڵمەتێكدا لە ناو شاری كەركووك تیروریستێكی داواكراو بە ناوی \"ن.س.ج\"" دەستگیربكەن.


ئەم تیروریستە، سەر بە رێكخراوی تیروریستیی \""القاعیدە\""یە و لەلایەن دادگای كەركوك بە پێی مادەی 4ی تیرۆر داواكراوە.

تیرۆریستی ناوبراو دوای دەستگیركردنی دانی بەوەدا نا كە گروپەكەیان لە 8 تیروریستی دیكە پێك هاتووە و سەرجەمیان سەر بە رێكخراوی تیروریستی القاعیدەن و تا ئێستا چەندین كردەوەی تیروریستیان وەكو دانانی بۆمبی چێنراو و ئاراستەكردنی موشەك و تەقە كردن لە هێزە ئەمنییەكان ئەنجامداوە.


ئەم گروپە، دوای ئەوەی لە یەكێك لە كردەوە تیرۆریستیەكانیان هێرشیان كردووەتە سەر بازگەیەكی سوپای عێراق لە شارۆچكەی \""داقوق\"" 4 تیرۆریستیان لێ‌ كوژراوە.

تیرۆریستەکە، دوای دەستگیركردنی رەوانەی دادگا كرا."