راگەھاندنا لەشکەری:کۆمکرن وشرۆڤە،پێزانین،وێنە،راستی،نامە،ژھەموو ژێدەران لسەر چالاکێن ھێزێن لەشکەری،ب راستگویانە ودان بۆ کۆمەلگەھی وجیھانی ب بکارھینانا رێکارێن راگەھاندنێ:خواندن،دیتن،گوھلێبوون،ب مەرەما گەل وھێزێن لەشکەری ب زانیارێن دروست بھێن ئاشناکرن،داکۆ ھەردەم دئاستێ پێدڤیێ بەرەڤانیکرن وھەماھنگی وئێک چەپەرێ دابن بۆ ژناڤبرنا ھەموو کارکرنێن دژ یێن دوژمنان،ئەوێن بەردەوام لدەمێ ئاشتی وشەران کاردکنب ئارمانجا لێدانا بارێ مانەڤی یێ ھێزێن لەشکەری وپەیوەندێن وان دگەل گەلی بکن،ژشەنگستێن وێ یێن نەگوھۆر:سرۆشتی شەر وناکوکیان،باوەریا شەری ولەشکەری،دادپەروەریا پرسێ،باردوخێ ھێزێن لەشکەری،ژسالوخەتێن وێبابەتی،ھویربیناپێزانینان،لەزاتی،نەرماتی ،بەرسڤدان،رێکخستن،پێشخستن ،ھەمجوری،ئاسایش وپاراستن،ژ پێدڤێن وێ:پلان:ب لەزاتی دئاراستەکرنا پێزانینا بۆ جھێن راگەھاندنێ دگەل رەنگێ زیندیێ شەری ب مەرەما راگرتنا ئارامی وئاسایش وئاشتی بۆ دەرفەتێن ئاڤەدانکرن وژێرخانە،تیمێن مرۆڤی:ب مەرجێن تایبەتمەند وشیان وسەرکەڤتنێن تەکنولوژیان وگرێدان ب فەرمانگەھێن رێنما ورەوەشنبیری وراگەھاندنێ وئاراستەکرنێ لجھێن لەشکەری،تەکنیکی:ب net..tv.rd گرنگیەک تایبەت بھێت دان ژبەر باندۆرا وان یا راستە راست لسەر بۆچوونا ناڤخوە ودەرڤە ھەیە ب دابینکرنا ئامیرە وپێدڤێن کاری سەردەمانە،ژ ئارمانجێن وێ:ھوشیارکرنا نەتەوی ونشتمانی دکۆمەلگەھی دا وبەلاڤەکرنا گیانێ خوەگوریکرن بۆ دۆزا وان،دابینکرنا ژینگەھەک دەرونی ومانەڤی بۆ کۆمەلگەھی ھەموویێ ب رەنگەکێ پێشوازیکرن ل شەری و دگەل ئێک کارکرن و دەرکەفتن ب سەرکەفتیانە وکێمترێن زیان ژێ،پاراستن وپارێزگەری ژماف وبەرژەوند وپیرۆزی وسەرکەفتن وشۆرەشا ویەکەیا نەتەوی،دیفچوونا بۆیەر وپێشھاتان لدەمێ شەر وئاشتیان ودانا وەلاتی وھێزێن لەشکەری ب زانیارێن دروست وکارکرنا بۆ راگرتنا مۆرالا وان،لادانا راگەھاندنا دوژمنی یا دژ ب ھەموو جورێن وێ،دیارکرنا ھەلویستی سیاسی ورەھەندێن بۆچوونا گشتی ل ناڤخوە ودەرڤە ودەولەتێن ھەڤپەیمان چ پشتەڤان یان نەخیر،ڤەگوھاستنا وێنەیێدروستی پێشھاتێن شەری لدەمێ روویدانێ ب بابەتیانە وراستگویی،داکوکیکرن ل گەلی کۆ رێزگرتن ل شیان وئەرکێ ھێزێن لەشکەری بگرن،ھەماھنگی دگەل راگەھندنا تایبەت ھەبت ودگەل ئێک کاربکن بۆ پشتەڤانیا شەری وئێکگرتنا بەرەیێ ناڤخوە،رونکرنا ئارمانجێن شەری ورەھەندێن وی داکو باوەری پەیداببت،داکوکیکرن ل پلان وئامادەکاریان پێشوەخت ب رەنگەکێ دەولەت ب سیاسی،ئابۆری،کۆمەلایەتی،لەشکەری،ئامادەبن بۆ ھەر شەرەکێ،ئاراستەکرنا ھوشداریا بۆ دوژمنی،داخوازی بۆ خوەبەخشیێ ب خوین وپارچەێن لەش وسامانی،رێزگرتن ل شەھید وقوربانیان،ھشیاریا ئاینی،رەوشەنبیری،نەتەوی وەک شەنگستنێن بەرەڤانیکرنێ.
پرسیار:باشوورێ کوردستانی وئەڤرۆیا راگەھاندنا لەشکەری،چەند سەرکەفتیە ؟
باشوور پشتی سەربەخوەیێ ئەو پێشمەرگەھێ شۆرەش کری وسەرھلدان چێکری،ببەردەوامی ھەولا ددن بکنپێکھاتەک ئەکادیمی وزانستی،ژھەموو رەھند وروویانڤە،لێ زڤرین بۆ ئەڤرۆیا ئەڤی پێکھاتێ ل ئاستێ پێدڤیێ خوە نینە،ژبلێ بیر وباوەری وخوەگوریکرن نەبت،وەک دی پتریا شیان وپێدڤیان:لەشکەری،ھەوالگیری،چەک وتەقەمەنی،پلان ونەخشە،پلان ،...ھتد،راگەھاندنا شەری ئێک ژ ئەوان شیان وپێدڤیانە ھەتا نووکە وەک پێدڤی کار لسەر نەھاتیە کرن،بەلێ ئەڤ راگەھاندن ب ئەکادیمیەت وزانستیا خوە ناھێن دیتن:شەنگستە،سالۆخەت،پێدڤی،ئارمانج،لدەمەکێ شەر دھێت سەر باشوور یان لدەمێ ئاشتی ،ئەڤ راگەھاندنە وەک پێدڤی ناھێت خزمەتا ھێزێن لەشکەری وگەلی،بەرەلایەک پەیدا دبت دناڤ ھەردوو لایان،ھەڤدەم راگەھاندنا تایبەت ژی وەک پێدڤی رۆلا خوە نەدیتیە ونابینت،بەلکو جاران ژبەر ئێشا کوژەکا ئاقلێ باشووریان یا پارتایەتی وناوچەگەری وعەشیرەتی،لێدانا نەتەوی ونشتمان ھاتیە کرن،دروست پارتایەتیکرنا شەر و بۆیەر و کاودانان ھاتیە کرن،شەرێ باشوور دگەل (داعش) دەولەتا ئیسلامی و تیرۆرا جیھانی مەزنترین نموونە،راگەھاندنا لەشکەری چەند لاواز ونەسەرکەڤتی بوویە،ھەڤدەم راگەھاندنا تایبەت چەند لاوازتر،بەلێ بەرەیێ ناڤخوە وەک پێدڤی نەھات راگرتن،چ ئامادەکارێن:سیاسی،کۆمەلایەتی،ئابۆری،دەروونی،مانەڤی،نەھاتنکرن،ب رەنگەک ھەموو شیان وپێکڤە کارکرن و سەرکەڤتن وکێمترین زەرەر دەرکەڤتن ژێ،ھەر چەند ھندەک کارێن خوەبەخشانە ھاتنکرن بەلێ ژبەر دروست نەھاتن بکارھینان زوربەیا وان ب ھەدەر و بێ بەرامبەر چوون .
چ بھێتکرن،مەرجە باشوورێ کوردستانێ ددەمەک پێڤانەیی دا پێکھاتا خوە یا لەشکەری وەک پێدڤی پێکبھینت ب شێوەیەک ئەکادیمی وزانستی،ھەموو رەھەندی وگشتی،ودەلیڤەیا ھاتیە پێش دنووکەدا،ئەو پشتەڤانی وپەروەردا لەشکەریا وەلاتان ب پێشمەرگەھی ددن وەک پێدڤی مفا ژێ بھێت وەرگرتن ئیدی بەر ب پێکھاتەک لەشکەری سەرکەفتی وسەردەمانە،داکوکیکرنەکا مەزن بھێتکرن ل راگەھاندنا شەری ب ھەر ئەکادیمی بھێت دیتن دناڤ پێکھاتێ دا،دروست پەیام وئەرک و رۆلا خوە بگیریت ھەڤدەم راگەھاندنا تایبەت ژی پشتەڤان وھاریکار بت،لدەمەکێ پێکھاتا لەشکەری ھات پێکھینانا ئیدی بەرەف ئاسایشا لەشکەری،لدەمەکێ ئاسایشێن دی وەک پێدڤی ھەبن:سیاسی ،ئابۆری،کۆمەلاتی،ب رەھەند وبادەکێن وان،ھەموو بەرەف دامەزراندنا دەولەتا نەتەوەیی وگەشەکرن و پاراستنا وێ .