نێردراوە نەتەوە یەكگرتووەكان بۆ یارمەتیدانی عێراق (یۆنامی)، بڵاوی كردەوە تەنها لە مانگی رابردوودا 114 هاووڵاتی مەدەنی لە عێراق كوژراون، 233 هاووڵاتیش بریندار بوون.

بە گوێرەی تۆمارەكانی یۆنامی، هاووڵاتیانی عێراق ئێستەش لە سەرەوەی لیستی وڵاتانی قوربانیی توندوتیژی و تیرۆر و ململانێ چەكدارییەكانن.

لەم ڕێژەیەشدا شاری بەغدای پایتەختی عێراق بەشی شێری بەركەوتووە، لەوێندەر 38 كەس كوژراون و 139 كەس بریندار بوون. ئینجا شاری ئەنبار بە پلەی دووەم دێت لە ڕێژەی بەرزی قوربانیەكان و 36 كەس لەو شارە كوژراون و 55 كەسیش بریندار بوون.

هەروەها شاری كەركووك بە سێیەم شار دێت، كە لەم مانگەی رابردوودا بەهۆی خیانەتی نیشتمانی باڵێكی یەكێتی، شارەكە لەلایەن سوپای پاسداران و حەشدی شەعبی داگیر كرا، لەوێ 18 كەس كوژراون و 33 كەسیش بریندار بوون.

نێردەی نەتەوە یەكگرتووەكان ئەوەشی ئاشكرا كردووە كە لە ناوچەكانی شەڕدا، كۆسپ خراوەتە بەردەم ئامادەكردنی ئامارەكانیان.










باسنيوز