سایتێك سەرنج راكێش تایبەت بە دەستكاری وێنە
پرۆگرامگەلێكی زۆر ەەن كە ئەركیان دەستكاری كردنی وێنەیە، ئەوانەی شارەزای بواری گرافیكین رەنگە بزانن پرۆگرامەكانی فۆتۆشۆپ و هاوشێوەی ئەو لە پرۆگرامە سەركەوتووەكانی ئەم بوارەن.
لەم دواییەدا بە پەرەسەندنی ئەنتەرنێت گەلێك سایتیش هەن كە دەتوانیت بەهۆیەوە دەستكاری وێنە و ئەركەكانی تایبەت بە وێنە ئەنجام بدەی، هەر لەم گۆشەیەدا چەندین سایتی باشمان لەو بوارەدا ناساندووە.
سایتی http://www.picnik.com/ یەكێكە لەم سایتانە، سایتی پیك نیك وەك سایتە هاو شێوەكانی خۆی زۆر تایبەتمەندی تێدایە وەك: بوونی چەندین ئیفێكتی جۆراوجۆر بۆ جوانكردنی وێنە، چوارچێوە و تێكستی جوان، بەڵام بۆ هەندێك لەو خزمەتگوزارییانە پێویستت بە تۆماركردن و ناونووسین هەیە. پاش كردنەوەی سایتەكە ئەم فەرمانە لێبدە Get started now و بەڵام بەهۆی ئەوەی خزمەتگوزاری زۆر تێدایە رەنگە درەنگ بكرێتەوە.