جانتاكهم تكایه بهدوامدا وهره!
ئهوانهی كه دهچن بۆ گهشتكردن بهتایبهت بۆ شوێنی دوور، جانتای گهشت بۆ ههڵگرتنی كهلوپهلهكانیان لهگهڵ خۆیان دهبهن، ههڵگرتنی جانتای سهفهر گهر گهوره بێت و كهلوپهلی زۆری تێدابێت تا رادهیهك دژواره، ههرچهنده زۆربهی جانتاكان واته باولییهكان خۆیان تایهیان ههیه و دهكرێت لێ بخوڕدرێن، بهڵام چهنده باش دهبوو كه باولییهكه به دوای خاوهنهكهی دا هاتبا و بێ ئهوهی كه كهسێك پاڵی دابا. لهم دواییهدا ئهم خهیاڵهش تهكنهلۆژیا كردوویهتيه راستی و جانتایهكی هۆشمهند بهدوای خاوهنهكهیدا دهڕوات.
باولی جۆری hop لهگهڵ مۆبایلی خاوهنهكهی بههۆی سیستهمی بلوتوسهوه پهیوهند دهدرێت و بەئەسپایی به دوای خاوهنهكهیدا دێت، تهنانهت ئهگهر بههۆی لهمپهڕێكهوه پهیوهنديی لهنێوان مۆبایلی بهكارهێنهر و باولییهكهدا نهما، ئهوه مۆبایلهكه بههۆی لەرزینهوه خاوهنهكهی ئاگادار دهكاتهوه و لهولاش باولییهكه دهچهقێت و له شوێنی خۆی نابزوێت. ههروهها لهسهر ویستی بهكارهێنهرهكهی دهكرێت لهگهڵ چهندین مۆبایلهوه پهیوهند بدرێت بۆ ئهوهی له فڕۆكهخانهكان یان شوێنی دیكه بهدوای ئهو كهسانه بكهوێت كه ئهركیان گواستنهوهی جانتا و كهلوپهلی گهشتكردنه.