خوێنەرێكی بەڕێز پرسیارێكی ئاراستەی فایلی ئایتی كردووەو دەپرسێت، هەروەك دەزانن ئێستاكە بۆ من و زۆر كەسی دیكەش ئینتەرنێت یانی فەیسبووك، یانی تەنیا ئینتەرنێت لەبەر فەیسبووك دەكەمەوە، هەرچەندە تارادەیەك شارەزاییم هەیە بەسەر فەیسبووكدا، بەڵام هەندێكی شت هەیە بەو جۆرەی پێویست شارەزاییم لێی نییە، تكایە بەپێی پێویست یارمەتیم بدەن، گرفتێكم هەیە لە فەیسبووكدا، ئایا دەكرێت ئەو ئەلبومانەی كە لە فەیسبووكدان، هی خۆم یان هی هاوڕێیانم كە لە فەیسبووكدا لەگەڵم هاوڕێن، بەیەك كلیك داونلۆد بكەم، نەك دانە دانە، بەڵكو بەیەكجاری هەموو ئەلبومەكە دابەزێت؟
بەڵێ خوێنەری بەڕێز ئەگەر لەگوگڵ سێرچ بكەی و پرۆگرامێكی زۆر بچووك هەیە بەناوی FacePAD: Facebook Photo Album Downloader دابەزێنی، دەتوانی بە ئاسانی و بێ گرفت هەر ئەلبۆمێك مەبەستتە بە یەك كلیك دابەزێنیت، كاتێك پرۆگرامەكەت دابەزاند كلیكی لای ڕاست لەسەر ئەلبومەكە بكە و ئەوكات دەبینیت لە ڕیزی فەرمانەكانی كلیكی لای ڕاستدا ناوی ئەو پرۆگرامەی سەرەوە زیاد بووە و بە داگرتنی ئەو پرۆگرامە ئەلبومەكە دادەبەزێتە سەر كۆمپیوتەرەكەت. بەڵام خوێنەری بەڕێز داواكارییەك لە خۆت و لەو هاوڕێیانەی دیكە كە ئەم فایلە دەخوێننەوە و ئەو زانیارییە وەردەگرن، ئەوەیە كە بەمەبەستی زیانگەیاندن بە دۆستان و هاوڕێیانتان لە فەیسبووكدا ئەو پرۆگرامە بەكارمەهێنن و هەروەها هیچ كاتێك ئەو وێنانە لەسەر فەیسبووكدا سەیڤ مەكەن كە دەزانن لە داهاتوودا لە دانانی وێنەكە پەشیمان دەبنەوە و كێشەتان بۆ دروست دەكات.