ماوەی چەند ساڵێكە فڕۆكە و كۆپتەری گەمەكردنی منداڵانە پەرەی سەندووەو لە شوێنەكانی فرۆشتنی لەیستووكی منداڵانە لەكوردستانیش زۆر بەرچاو دەكەون، بەتەواوی شوێنی كۆلارەی گرتۆتەوە، لەم دواییەدا جۆرە فڕۆكەیەكی منداڵانەی كۆنترۆڵدار بەرهەم هاتووە بەناوی Spy hawk كە جگە لەوەی دەفڕێت ئەركی وێنە گرتن و فیلم هەڵگرتنەوەش ئەنجام دەدات.
فڕۆكەكە كامێرایەكی 5 میگاپیكسی هەیە كە لە نووكی كامێراكەوە داندراوە و بەهۆیەوە فیلم هەڵدەگرێتەوەو كاری سیخوڕی دەكات. خاڵی جێگای سەرنج لەوەدایە ڕاستەوخۆ ئەو فیلمەی دەیكئریت لەسەر شاشەی كۆنترۆڵەكە كە وەك لە وێنەكەدا دەیبینن نیشان دەدرێت. میمۆری كارتێكی 4 گیگابایتی تێدایە كە ئەركی تۆماركردنی گرتە ڤیدیۆییەكان ئەنجام دەدات.
فڕۆكەكە سیستەمی فڕۆكەوانی ئۆتۆماتیكی هەیە كە لەو كاتانەی كێشە دێتە پێش ئەركی ڕاگرتن و هاتنەوە خوارەوەی فڕۆكەكە ئەنجام دەدات. فڕۆكە سیخوڕییەكە دەتوانێت هەتا 600 مەتر لە شوێنی كۆنترۆڵەكەی دووركەوێتەوە كە ئەمەش مەودایەكی كەم نییە.