ئێستاكە فەیسبووك گەورەترین تۆڕی كۆمەڵایەتییە، دانیشتوانی وڵاتی فەیسبووك بە قەد دانیشتوانی وڵاتی چینی لێهاتووە كەگەورەترین وڵاتی جیهانە، لە جیهانی ئەنتەرنێتدا فەیسبووك و تویتەر گەورەترین پردی پێگەیاندنن، لەم تۆڕانەدا بەتایبەتی لە فەیسبووك دەكرێت مەبەستەكانت چ بە فایلی ڤیدیۆیی، یا فایلی دەنگ یا نووسین و چاتكردن بڵاوبكەیەوە، كەچی ئەم تۆڕە وەك لەم دواییانەدا دەركەوتووە هەموو ئەو چاتانەی دەكرێن دەخاتە ژێر چاوەدێری و كۆنترۆڵی دەكات. كۆمپانیای ناوبراو ئەوەی نەشاردەوە كە ئەم كارە دەكەن بەمەبەستی كەمكردنەوەی تاوان و بەرگریكردن لە چالاكی تیرۆریستی و كاری تێكدەرانە و ئەگەر هەست بەوە بكات كە یەكێك كردارێكی نایاسایی ئەنجام دەدات بە پۆلیس ڕادەگەیەنێ، دیارە چاودێری كردنی چاتەكان زۆرتر زمانی ئینگلیزی و ئەو زمانانەی كە بە پیتی لاتین دەنووسن دەگرێتەوە. شێوازی كارەكەش بەم شێوەیە ئەگەر یەكێك دەستەواژەیەكی نووسی لەریزی ئەو وشانەدابوو كە فەیسبووك بە وشەی بڤەیان دەبینێ ئەوكات چاودێری چاتەكە دەكات.
