لەم ڕۆژانەدا پۆرت یان كەلێنی USB لەزۆربەی ئامێرە دیجیتالییەكانی وەك، مۆبایل، كامێرا، تەبلێت هەیە بۆ شەحنكردنەوەی ئامێرەكان. ئامێری Converge ئەو ئامێرەیە، كە لەیەك كاتدا چوار ئامێر پێكەوە شەحن دەكاتەوە. تایبەتمەندییەكی ئامێرەكە ئەوەیە كە گشت وایەرەكانی لەناو ئامێرەكەدا حەشاردراوە، ئەمەش دەبێتە هۆی ئەوەی كە قەرەباڵغی وایەرەكان بەهۆی شەحنكردنەوە دروست نەبێت.
ئامێری ناوبراو بەهۆی ئەوەی كە قەبارەكەی بچووكە و شێوەی هەڵگرتنەكەی ئاسانە، دەكرێت وەك ئامێرێكی پۆرتێبڵیش هەڵیبگری، لەو ئامێرەدا چەند شوێنێكی تایبەتیش هەیە بۆ مۆبایلی جۆری ئایفۆن و تەبلێتی جۆری ئایپاد، كە كەلێنی شەحنكردنەوەكەیان جیاوازە لەپۆرتی USB. چەند شوێنێكی دیكەشی بۆ هەندێك مۆبایلی جیاواز تێدایە.