هیچ شتێك لەوشەی پاسوۆرد یان كۆدی نهێنی بۆ بەكارهێنەر و خاوەن سایت و ئیمێلەكان گرنگ نییە، پاسوۆرد بەمانای قفڵ دێت، هەتا قفڵەكەت باشتر و مەحكەمتر بێ، خاوەنەكەی زۆر دڵنیاترە لەوەی كە ئەوانەی بۆ دزی یان كاری خراپ دێنە ماڵەكە، نەتوانن تووشی زیانی بكەن. قفڵی جیهانی مەجازی پاسوۆردی پێدەگوترێت، هەتا پاسوۆردەكەت دژواروتربێت دڵنیاتری لەوەی كە هاككەر و سیخوڕی ئەنتەرنێتی نەهێنە ناو سایت و ئیمێلەكەت زیانت پێبگەیەنن.
گەلێك پرۆگرام هەن بۆ دانانی پاسوۆردێكی گونجاو، لەگەڵ ئەوەیدا چەند سایتێكیش هەن كە ئەركیان ئەوەیە پاسوۆردێكی گونجاو و مەحكەم دروست بكەن. سایتی Passwords Generator یەكێكە لەسایتە باشەكان، ئەركی سایتەكە ئەوەیە كە پاسوۆردێكی گونجاو دەستنیشان بكات. كاتێك سایتەكە دەكەیەوە لەوبەشەی تایبەتە بەپاسوۆرد دەتوانی خۆت وشەیەك دابنێی، سایتەكە پێت دەڵێت ئەو پاسۆردە ئاستەكەی چۆنە لاوازە یان بەهێزە، ئەگەر بێهێز بوو خۆی چەند وشە و كاراكتەرێكت بۆ دەستنیشان دەكات.