بۆ ئه‌وانه‌ی شاره‌زاییه‌كی ئه‌وتۆیان له‌ كۆمپیوته‌ریش نه‌بێت، ده‌زانن پرۆگرامی فۆتۆشۆپ و پرۆگرامی Nero چ پرۆگرامێكن، فۆتۆشۆپ وه‌ك به‌هێزترین پرۆگرامی گرافیكی و Neroش وه‌ك باشترین پرۆگرامی كۆپی كردنی CD، DVD. به‌ هه‌موو جۆره‌كانی ده‌گ و ره‌نگ و داتاوه‌. له‌م بابه‌ته‌دا ناچمه‌ سه‌ر بواره‌ زانستییه‌كه‌ی سوود وه‌رگرتن له‌ پرۆگرامی Nero، له‌ نوێترین ڤێرژنی پرۆگرامه‌كه‌دا زۆر ئاسانكاری كراوه‌ ته‌نانه‌ت به‌كارهێنه‌ری زۆر سه‌ره‌تایش ده‌توانێ به‌كاری بێنێ. به‌شێك له‌و فه‌رمانانه‌ی كه‌ له‌ Neroدا پێویسته‌ بیزانن.
CD Data یا Data DVD: به‌ هه‌ڵبژاردنی ئه‌و فه‌رمانه‌ ده‌توانی هه‌موو جۆره‌ فایلێك له‌ DVD یا CDدا كۆپی بكه‌ی و له‌ هه‌موو ویندۆزێكیشدا سوودی لێوه‌ربگری، ئه‌و فه‌رمانه‌ زیاتر بۆ فایلی تێكه‌ڵاو ده‌چێت، وه‌ك وێنه‌، مۆزیك، فیلم..تاد.
CD Music: به‌ داگرتنی ئه‌و فه‌رمانه‌ ده‌توانی فایله‌ ده‌نگییه‌كان له‌سه‌ر CD یا DVD خه‌زن بكه‌ی.
Video CD: تایبه‌ته‌ به‌ رایتكردنی فیلم له‌سه‌ر CD یا DVD كه‌ له‌ گشت ئامێرێكی بڵاوكردنه‌وه‌ی DVD یا CD سوودیان لێوه‌رده‌گیرێت. فه‌رمانی DVD- Videoش هه‌ر ئه‌و ئه‌ركه‌ جێبه‌جێ ده‌كات.