كۆمپانیای Pentax كۆمپانیایەكە هەمیشە تەكنۆلۆژیای پتەو و خۆڕاگر لەئاست زەربە، كەوتنە خوارەوە، ئاو و تۆز و خۆڵدا بەرهەم دێنێ. ئەمجارەیان نوێترین كامێرای بەرهەم هێناوە كە بەجۆری Optio WG-2 و Optio WG-2GPS ناسراون. ئەو ڤێرژنەی كە سیستەمی GPS لەسەرە دەتوانێت شوێنی بەكارهێنەرەكە نیشان بكات و هەروەها توانای دەست گەیشتن بەسایتی تایبەت و هەندێك پرۆگرامی هەیە.
كامێراكە توانای وێنەگرتنی بەكوالیتی 16 میگاپیكسل هەیە، هەروەها دەتوانێت وێنەی مایكرۆ بگرێت. شاشەكەی لەجۆری LCD و سێ ئینجە. ئەو تایبەتمەندانەی ئاماژەمان پێدان زۆر گرنگ نین، ئەوەی كامێراكە جیا دەكاتەوە لەكامێرای دیكە ئەوەیە كە بەهیچ شتێك تێك ناچێت، ئەگەر لەتەلارێك ڕا بكەوێتە خوارێ، یان بكەوێتە ناو ڕووبارێك، یان لەچیادا وەبەردی چیا بكەوێ هیچی لێ نایە. هەتا ئەگەر بكەوێتە ژێر تایەی ئۆتۆمبێلیش تێكچوونی نییە.