وێنەی پانۆرامایی واتە ئەو وێنانەی كە لەگشت گۆشەیەكەوە دەتوانی سەیریان بكەی و 360 پلە بەدەوری خۆیاندا گیراون، چەند ساڵێكە لەجیهانی دیجیتاڵیدا شوێنی خۆیان كردۆتەوە. گەلێك ئامراز و پرۆگرام هەن بۆ گرتن و دروستكردنی وێنەی پانۆرامایی، لەژمارەكانی پێشتری ئەم گۆڤارەشدا هەواڵی تۆپێكی كامێرامان بڵاوكردبۆوە كە وێنەی پانۆرامایی دەگرێت.
كامێرای Tamagoo ئەو كامێرایەیە كە دەتوانێت وێنەی پانۆرامایی دروست بكات و بۆ وەسەریەك خستنەوەی وێنەكان پێویست بەهیچ پرۆگرامێك ناكات. كامێراكە وێنەكان بەكوالیتی 14 میگاپیكسل دەگرێت. كامێراكە بەئاسانی بەكۆمپیوتەروە پێوەند دەدرێ و دەتوانیت بەسوود وەرگرتن لەسیستەمی بلوتوس و WiFi بەئاسانی وێنەكان بۆ تۆڕە كۆمەڵایەتییەكان بەڕێ بكەی.