پرۆژكتەرە بچووكەكان ئێستا پانتاییەكی گەورەیان لە جیهانی تەكنۆلۆژیای دیجیتالیدا داگیر كردووە، ئێستا وەك پێشوو بە ئامێرێكی دەگمەن سەیر ناكرێن. پرۆژكتەری Seeserیش جۆرە پرۆژكتەرێكە كە بەرهەمی تەكنۆلۆژیای وڵاتی ژاپۆنە، بە بەراورد بە پرۆژكتەری دیكە تایبەتمەندییەكی جیاوازی هەیە.
یەكەم شت كە لەم پرۆژكتەرەدا سەرنج ڕادەكێشێ ئەوەیە كە پرۆژكتەرەكە بۆ نیشاندانی وێنە لە سیستەمی لەیزەری سوود وەردەگرێت، هەربۆیە پێویستی بە فۆكس كردنی وێنە نییە بۆخۆی ئۆتۆماتێكی وێنەكە لەسەر تابلۆی مەبەست ڕێك دەخات. قەبارەی نیشاندانی وێنە لەو پرۆژكتەرەدا 100 ئینجە. میمۆری كارتی جۆری SD دەخوێنێتەوە. لەسەر ئەم پرۆژكتەرە پرۆسیسەرێكی 1 گیگاهێرتزی هەیە، جگە لەوەش لەسەر سیستەمی بەگەڕخەری ئەندرۆیدی لەسەر داندراوە.