برسێتی و تینیوتی لە رەمەزاندا، وایكردووە كە سەر لە ئێوارەوە حەزمان بۆ هەموو جۆرە خواردنێك بچێت، ئیدی داوای هەموو شتێك دەكەین، یەكێك لەو خواردنە خۆشانەی كە دەتوانن لە ئێواران و لەسەر بەربانگ و لە پارشێوانیش بیخۆن، ئەویش كوببە بە برنجە، خواردنێكی بەهێز و بە جۆشە، دەتوانی لەگەڵ چای یان هەروا سەربەخۆ بیخۆیت، با خانمان بزانن چۆن كوببەی بە برنج دروست دەكەن، كە ئێواران لەگەڵ خواردنەكانی دیكەدا دەبنە خۆراكی بەربانگ بۆ رۆژووەوانان.
كەرەستەی پێویست:
-دوو كووپ برنج
-كشمیش و بادەم بە پێی خواست و ئارەزوو.
- خوێ و بەهارات.
-نیو كیلۆ قیمە.
-هێلكە.
-پیاز
-یەك كەوچكە چا زەردەچەوە.
-كەرەوز
ئامادە كردن:
1-قیمەكە دەكوڵێندرێت و لە نێو رۆندا سوور دەكرێتەوە لەگەڵ كشمیش و بادەمەكە، ئینجا خوێ و بەهاراتەكەی تێدەكرێت.
2-برنجەكە لەگەڵ 4 كووپ ئاو و كەمێك خوێ و زەردەچەوەكە دەخرێتە سەر ئاگر تا ئاوەكە هەڵدەچنێت، ئنجا دادەگیرێت تا سارد بێتەوە.
3-برنجەكە دەشێلدرێت و پارچەی بچووكی بەقەد گوێزێك لێ دەبدڕێت و قیمەكەش دەخرێتە ناوی و لە هێلكە هەڵدەكێشرێت، پاشان دەخرێتە ناو رۆن تا سوور دەبێتەوە و لەگەڵ سەوزە لە سەر سفرە دادەندرێ و پێشكەش دەكرێت.