ساڵانێكە خانمان لەسەر شێوازی مۆدی جلی پێشوو دەڕۆن، كە زیاتر كابۆی جینزە، تەنانەت لە هەرچوار وەرزەكاندا لەبەری دەكەن، زیاتر مۆدی بەدیەكی تەنك و جینزێكی تەسك بووە، ئەو مۆدە ئەگەرچی ساڵانێكە رێچكەی گرتووە، بەڵام وادیارە لەگەڵ وەرزی بەهاردا ماوەكەی بەسەر دەچێ و مۆدی جلی بەهاری دێتەئاراوە، ئەوەتا دیزاینەرانی جل و بەرگ، چەندین نموونەی جلی بەهاریان ئامادە كردووە، مۆدە جلەكە لە عەزیەی درێژ لە شێوەی پانتۆڵ و كراس و بۆدی لێكدراو پێكدێت، لەم مۆدەیەدا وایان كردووە كە خانمان و كچان لە جلی تەسك دوور بكەونەوە و ئیدی جلەكانیان كراوە و فراوان بێ، لەم جلەدا، كچان دەتوانن سانا بن لە جووڵەكردندا، تەنانەت یارمەتیی جەستەش دەدات كە دوور بێت لە ئارەقە كردن، چونكە وەكو مۆدی پێشوو تەسك نییە تا لەش و لارت بگوشێ و ئیدی بێزارت بكات، ئەو مۆدە بەهارییە، ناسكت دەكات، لەش و لارت جوان نیشان دەدات، ئەو شێوازە لە ساڵانی حەفتاكان باو بوو، ئێستاش هەمان ئەو مۆدەیان جارێكی دیكە جوانتر كردەوە و تا لەگەڵ ئەو سەردەمە بگونجێ، تۆش دەتوانی یەكێك لەو شێوازانە هەڵبژێریت.
