حكوومەتی توركیا دەیەوێت پەیوەندیەکانی خۆی لەگەڵ میسر ئاسایی بكاتەوە، بۆ ئەمەشیان ڕێگەی دیبلۆماسی بەكار هێناوە، بەڵام وەزیری دەرەوەی میسر ڕی گەیاندووە بە مەرج پەیوەندیی خۆی لەگەڵ توركیا ئاسایی دەكاتەوە.

سامح شوكری وەزیری دەرەوەی میسر، لەبارەی ئاساییكردنەوەی پەیوەندیی نێوان توركیا و میسر، كە ٧ ساڵە لەوپەڕی خراپیدایە ڕای گەیاندووە: "هەنگاوەكانی توركیا بۆ ئاساییكردنەوەی پەیوەندییەكان، دەبێت لەسەر بنەما و ئامانجەكانی میسر بێت و ڕاشی گەیاندووە لە پەیوەندییەكی ئاسایی دیپلۆماسی زیاتر، هیچ پەیوەندییەكمان لەگەڵ توركیا نییە و گفتوگۆكانیش زۆر سنووردارن".

مەولوود چاوشئۆغلۆ، وەزیری دەرەوەی توركیا پێشتر ئاماژەی بەوە دابوو، پەیوەندیی دیپلۆماسی بۆ ئاساییكردنەوەی پەیوەندیی نێوان توركیا و میسر دەستی پێكردووە، بەڵام سامح دەڵێت دەستی پێنەكردووە و پەیوەندییەكان زۆر سنووردارن.

سامح شوكری لە پرێس کۆنفرانسێکدا ڕای گەیاندووە: "ئەوكات زەمینەی ئاساییكردنەوەی پەیوەندییەكان لەگەڵ توركیا دەست پێدەكات، كە توركیا لەسەر بنەما و ئامانجی میسر هەنگاو بنێت و رێز لە حكوومەتی ئێستای میسر بگرێت".












باسنيوز