سوپای ئیسرائیل بنکە و بارەگاکانی میلیشیاکانی سەر بە ئێران، لە دیمەشقی پایتەختی سووریا، مووشەکباران دەکات.

روانگەی سووری بۆ مافەکانی مرۆڤ رایگەیاندووە، درەنگانی شەوی یەکشەممە 28-2-2021، دەنگی چەند تەقینەوەیەک لە دیمەشق بیستراوە، کە لە ئەنجامی بەرپەرچدانەوەی مووشەکەکانی ئیسرائیل لەلایەن سیستەمی بەرگریی دژەمووشەکی رژێمی سووریاوە، دروست بوون.

روانگەی سووری هەروەها رایگەیاندووە، سوپای ئیسرائیل لەو هێرشەیدا، بە مووشەک ناوچەی سەیدە زەینەبی لە باشووری دیمەشق کردە ئامانج، کە بنکەی سەرەکیی میلیشیا ئێرانییەکان و میلیشیای حزبوڵڵای لوبنانی تێدایە.

سوپای رژێمی سووریا لە بەیاننامەیەکدا، رایگەیاندووە، سوپای ئیسرائیل لە کاتژمێر 10:16 خولەکی شەوی یەکشەممە لە جۆڵانەوە هێرشە مووشەکییەکەی کردە سەر دەوروبەری دیمەشق.








باسنيوز