له‌ ویلایەتە یەکگرتووەکانی ئەمریکا ژمارەی تووشبوانی پەتای کۆرۆنا بەرز بووەوە، تا ئێستاش لەو وڵاتە زیاتر لە 502 ھەزار کەس بەھۆی په‌تاكه‌وه‌ گیانیان لەدەست داوە.

بەپێی دوایین ئامارەکان تا ئێستا (پێنجشه‌ممه‌‌‌‌‌ 18/2/2021)، کۆی گشتیی تووشبوانی کۆرۆنا لە ئەمریکا گەیشتووەتە 28 ملیۆن و 453 ھەزار و 526 کەس، ئەمەش لەکاتێکدایە بەیانیی دوێنێ چوارشه‌ممه‌ ژمارەی تووشبوانی کۆرۆنا لە ئەمریکا، 28 ملیۆن و 381 ھەزار و 220 كه‌س بوو.

تا ئێستا لە ئەمریکا 502 هه‌زار و 544 کەس بەھۆی کۆرۆناوە گیانیان لەدەست داوە‌، ھەروەھا 18 ملیۆن و 596 ھەزار و 497 کەسیش چاک بوونەتەوە.






باسنيوز