ئەمینداری گشتی ناتۆ، یەنس ستۆلتنبێرگ مەزندەیكرد وەزیرانی بەرگری دەوڵەتانی ئەندام لە پەیمانی باكووری ئەتڵەسی لەم ھەفتەیەدا رەزامەندی بنوێنن بۆ بەھێزكردنی ئەركی ناتۆ لە عێراقدا.

ستۆڵتنبێرگ گوتی: "مەزندە دەكات وەزیرانی بەرگری رێكبكەون لە سەر ناردنی نێردەیەكی فراوان (بۆ عێراق) ھەروەھا زیادكردنی ژمارەی كارمەندانی مەشقپێكردن و راوێژكردن لە ژمارەیەكی زیاتر لە دەزگا ئەمنییەكان ئەو وڵاتە".

ستۆڵتنبێرگ ئاماژەیكرد، فراونكردنی نێردەكە پلە بە پلە دەبێت.

ناتۆ لە ساڵی 2018 نێردەیەكی مەشق و راھێنانی لە عێراق بڵاوكردەوە بە ئامانجی بەرزكردنەوەی توانای ھێزەكانی ئەمنی ناوخۆیی بۆ رووبەڕووبوونەوەی رێكخراوی "داعش".

لە كانوونی یەكەمی رابردووش، وەزیری دەرەوەی عێراق، فوئاد حوسێن داوایكرد ناتۆ كاری مەشق و راھێنان لە عێراقدا فراوان بكات.
k24 -