وەزیری دەرەوەی ئەمریکا لە پەیوەندییەکی تەلەفۆنیدا رایگەیاندووە، وڵاتەکەی کۆماری میللیی چین سزا دەدات.

نید برایس، گوتەبێژی وەزارەتی دەرەوەی ئەمریکا رایگەیاندووە، رۆژی هەینی 5-2-2021، ئەنتۆنی بلینکن، وەزیری دەرەوەی ئەمریکا بە تەلەفۆن پەیوەندیی بە یانگ جیه چی، وەزیری دەرەوەی چین کردووە.

نید برایس هەروەها رایگەیاندووە، ئەنتۆنی بلینکن بە هاوتا چینییەکەی راگەیاندووە، ئەمریکا بەردەوام دەبێ لە بەرگریکردن لە مافەکانی مرۆڤ لە ناوچەکانی شیجیانگی ئۆیگوری و تەبت و هۆنگ کۆنگ لە چین.

هەر لە پەیوەندییە تەلەفۆنییەکەدا، وەزیری دەرەوەی ئەمریکا بە وەزیری دەرەوەی چینی راگەیاندووە، ئەمریکا بەهۆی تێکدانی سەقامگیری لە زەریاکانی هیندی و هێمن و گەرووی تایوان، سزای چین دەدات.

ئەنتۆنی بلینک هەروەها داوای لە یانگ جیە چی کردووە سەرکۆنەی کودەتای سوپای میانمار بەسەر حکوومەت بکات.








باسنيوز