تەلەڤزیۆنی ئێران لە "بی بی سی"ی گواستووەتەوە ورایگەیاند، ئەندەنووسیا كەشتییەكی گواستنەوەی نەوتی ئێرانی ده‌ستبه‌سه‌ركردووه‌ بە بیانووی گواستنەوەی نەوت بە شێوەیەكی نایاسایی.

ھەروەھا ئاژانسی "فارس" لە دەزگا راگەیاندنەكانی ئەندەنووسیای گواستووەتەوە، جاكارتا دوو كەشتیی نەوت گواستنەوەی دەستبەسەرداگرتوون، یەكێكیان ئێرانییە بە ناوی "ھۆرس" و دووەمیان ئاڵای پەنەمای لەسەرە بە ناوی "فری" و "بەرپرسانی ئەندەنووسیا گوتییانە، ھۆكاری دەستبەسەرداگرتنی ھەردوو كەشییەكە، گواستنەوەی نەوتە بەشێوەیەكی نایاسایی لە نێوان ھەردوو كەشتیدا و بەڕێكەوت چاودێری ھەردوو كەشتییەكە كراوه‌، كاتێك ھەردووكیان ئامێرەكانی بەدواچوونیان كوژاندووەتەوە".
k24 -