میچ ماكۆنێڵ، سه‌ركرده‌ی كۆمارییه‌كان له‌ ئه‌نجومه‌نی پیرانی ئه‌مه‌ریكا رایگه‌یاند، هێرشكارانی باڵه‌خانه‌ی كاپیتۆڵ له‌ (6)ی ئه‌م مانگه‌دا، له‌ لایه‌ن "دۆناڵد تره‌مپ" سه‌رۆكی ماوه‌به‌سه‌رچوو، هاندراون.

ماكۆنێڵ له‌ وته‌یه‌كیدا له‌ كۆنگرێس، سه‌باره‌ت به‌ هێرشكارانی باڵه‌خانه‌ی كاپیتۆڵ گوتی: "ئه‌وانه‌ به‌درۆ جۆشكرابوون، سه‌رۆك هانیدان و له‌به‌رژه‌وه‌ندی خۆی به‌كاریهێنان".

گوتیشی: "له‌گه‌ڵ ئه‌وه‌ی توندوتیژی هه‌بوو، به‌ڵام كۆنگرێس به‌ په‌سندكردنی سه‌ركه‌وتنی "جۆ بایدن" كاری خۆی ئه‌نجام دا".

ماكۆنێڵ روونیكرده‌وه‌، "به‌شێوه‌یه‌كی ئارام و سه‌ركه‌وتوو، له‌ باڵه‌خانه‌ی كاپیتۆڵ، ئاهه‌نگی ده‌ستبه‌كاربوونی بایدن ده‌گێڕین".

سه‌رچاوه‌: CNN
k24 -