مایك پۆمپێیۆ، وه‌زیری ده‌ره‌وه‌ی ئه‌مه‌ریكا كه‌ ته‌نیا چه‌ند كاتژمێرێكی ماوه‌ ده‌سه‌ڵاته‌كه‌ی له‌و پۆسته‌دا كۆتایی بێت، چینی به‌وه‌ تۆمه‌تبار كرد، كه‌ كۆمه‌ڵكوژی به‌رامبه‌ر به‌ موسڵمانان ئه‌نجام ده‌دات و دووپاتیكرده‌وه‌، "پێویسته‌ چین له‌سه‌ر ئه‌و ره‌فتاره‌ سزا بدرێت".

له‌ تویتێكدا له‌ هه‌ژماری تایبه‌تی خۆی پۆمپێیۆ نووسیویه‌تی: "جینۆساید و تاوانی دژ به‌ مرۆڤایه‌تی له‌ چینگیانگ موسڵمانانی ئیگۆر و تاكه‌كانی كه‌مینه‌ ره‌سه‌نه‌كان و ئایینییه‌كانی دیكه‌ ده‌كاته‌ ئامانج".

پۆمپێیۆ دووپاتیكرده‌وه‌: "ئه‌و ره‌فتاره‌ی په‌كین سووكایه‌تیكردنه‌ به‌ گه‌لی چین و نه‌ته‌وه‌ یه‌كگرتووه‌كان، كه‌ له‌ هه‌موو شوێنێك بوونی هه‌یه‌".

جه‌ختیشیكرده‌وه‌، "پێویسته‌ كۆماری چینی میللی و حزبی شیوعی چینی له‌سه‌ر ئه‌و ره‌فتارانه‌ سزا بدرێن".
k24 -